Sunday, December 13, 2009

كريم


بشوفة معظم الايام و أنا نازلة أو و أنا راجعة البيت / و فى معظم الأوقات دى بيبقى لوحده / واقف / بيتمشى / بيركب العجلة / بيلعب كورة بردو لوحده / قليل لما بشوفه مع حد / هادى أوى / و شقى جدا / عيلته غريبة / هى اه كل العائلات غريبة / بس الغريب فى العيلة دى انهم كلهم حاجه و هو حاجه تانى خالص / والده راجل منكسر / والدته اجتماعية شوية و بحسها بتكره والده و هى اللى بتمشى أمور البيت لوحدها ده اللى أنا بحسه / أخوه على طول بيتخانق مع أخته اللى هى أكبر منه و على طول بيضربها و صوتهم على طول عالى أخوه ده بيتخانق مع والده بردو و مرة سمعت انهم ضربوا بعض / أخته بقى حاولت الانتحار قبل كده عشان خطيبها شافها ماشية مع واحد من أصحابها عند الجامعة بس هى اتجوزت دلوقتى على ما أظن / أما هو ف بحس انه عايز ينقذ نفسه بأى طريقة من العيلة دى عايز يهرب منهم / طبعا حقه / ليه يعيش مع ناس بيدمروا حياته / ليه مش عايش زى طفل طبيعى فى مجتمع بيحترم انسانية الأطفال / ليه يعيش سن و يشوف حاجات أكبر كتير من سنه / ليه يعيش مع عيلة زى دى / ليه أصلا ست و راجل زى مامته و باباه اتجوزوا و خلفوا / ليه يبقوا مع بعض و هما مفيش بينهم مشاعر / ليه كل واحد فيهم عايش ف عالم غير التانى مع انهم فى نفس البيت / استفادوا ايه لما زودوا على المجتنع 3 أفراد اتنين منهم مرضى نفسيين و التالت أنا مش عارفه هيحصلوا ايه / كل ما يشوفنى بييجى يسلم عليه / بحبه جدا و بزعل عليه و بزعل من نفسى و بزعل على مجتمع مريض / مجتمع هدفه زيادة عدد بشر مش صالحين للحياة أصلا / بشر مش عارفين يعنى ايه انسانية / أنا مش بحاول أحرم حد من حقه فى الحياة / بس ايه ذنب الطفل ده انه ييجى مجتمع مش عامل حساب لا طفولة ولا انسانية

2 comments:

Sahran December 13, 2009 at 2:59 AM  

مرحبا عزيزي

هذا مروري الأول , ووجدت مدونة أخرى أضيفها للمدونات الحرة والصديقة

الفكر المستنير يحتاج إلى من يدافع عنه في وجه الظلام والتخلف

استمر


تحيااااااااااااااتي لك


ودمت سالما

Tears December 24, 2009 at 7:27 AM  

لو بحثنا وراء اى مشكلة مهما كانت بسيطة فى البلد سنجد ان اساسها النظام السياسى....المنظومة كلها غلط و دون تغيير سنظل من سىء الى اسوا

  © Blogger templates Newspaper III by Ourblogtemplates.com 2008

Back to TOP